Gjinekologjia

Gjinekologjia

Anatomia e femrës

Njohja e anatomisë së femrës është shumë e nevojshme për të kuptuar riprodhimin human dhe zhvillimin e shtatzanisë. Në organet e riprodhimit të femrës hyjnë vulva, vagina, mitra, tubat e Fallopit dhe vezoret.

Ovulacioni

Çdo muaj, gjatë një cikli menstrual, në brendësi të vezores ekziston një vezë e cila në një moment të caktuar dallohet nga të tjerat; ajo fillon të rritet dhe zhvillohet në brendësi të një sakusi (dhomëze) të quajtur folikul. Çelja e vezës quhet ovulacion.

Cikli Menstrual

Cikli menstrual është një seri komplekse fenomenesh, të kontrolluara mire dhe që çdo muaj manifestohet me një menstruacion dhe një ovulacion.

Cikli jo normal

Menstruacionet quhet jo normale nqs hemorragjia nga mitra ka një nga këto karakteristikat: vjen më shpesh, vjen më rrallë, është më e bollshme, është më e pakët, zgjat më pak, zgjat më shumë se zakonisht. Gjithashtu quhen jo normale kur shoqërohen me dhimbje, nauze ose të vjella.

Miomat

(Fibromat, leiomiomat)

Miomat janë tumore të cilat rriten në brendësi të murit të uterusit (mitrës). Miomat njihen edhe me sinonime të tjera si psh leiomioma, fibromioma, fibroma, noduse ose fidroide. Në të gjitha rastet kemi të bëjme me tumore beninje; pra nuk janë kanceroze. Dimensionet e tyre variojnë nga 1 cm deri në 10-15 cm diametër (miomat gjigande). Në mitër mund të rriten një ose disa mioma njëherësh.

Polipet endometriale

Polipet endometriale janë zmadhime (rritje, në formën e bizeleve, kokrrave etj) me origjinë nga muri i brendshëm i mitrës me zhvillim në kavitetin e saj. Zakonisht janë beninje (jo-kanceroze), megjithatë mund të ndodhë të jenë kanceroze apo të kthehen në të tilla (polipet prekanceroze). Përmasat variojnë nga disa milimetra në disa centimetra.

Kistet e vezoreve

Ovarian cysts

Kisti është një hapësirë e mbushur me likid (fluid). Ata mund të formohen në cdo hapësirë të trupit. Kistet e vezoreve formohen në vezore. Kistet më të shpeshta të vezoreve janë kistet funksionale të cilat formohen gjatë një cikli menstrual. Llojet më të shpeshta të kisteve funksionale janë kistet folikulare dhe ato të korpusit luteal. Këto kiste nuk konsiderohen patologjike por vetëm si deviacione nga norma. Kistet e tjera janë patologjike dhe këtu përmendim: endometriomat (kistet cokollate), kistet dermoide, kistadenomat (adenomat kistike) etj

PCOS

Vezoret Polikistike

Sindroma e ovareve polikistike (PCOS – Policystic Ovarian Syndrome), është një crregullim relativisht i shpeshtë hormonal që prek femrat e moshës riprodhuese. Vezoret janë më të mëdha se norma dhe janë të mbushura me kiste të shumta të të dimensioneve 8 – 12 mm. Këto kiste në të vërtetë janë folikuj (hapësira ku zhvillohen vezë) por që nuk arrijnë të zhvillohen normalisht duke bërë që ovulacioni të ndodhë shumë rrallë. PCOS ka një spektrum shenjash dhe simptomash që variojnë nga menstruacionet e çrregullta ose që vijnë shumë rallë, obezitet dhe rritje në peshë, hirsutizëm, akne, rënie flokës, depression, ankth, shenja në lëkurë dhe infertilitet.

Sindroma premenstruale

PMS

Sindroma premenstruale (Premenstrual syndrome – PMS) është një kombinim i disa crregullimeve emocionale dhe fizike të cilat mund të shfaqen pas ovulacionit, vazhdojnë gjatë menstruacioneve dhe mbarojnë kur mbarojnë menstruacionet. Simptomat e PMS përfshijnë depresion, irritabilitet, nervozitet, hipersensitivitet dhe crregullime të humorit.

Barra jashtë mitre

Ektopike, ekstrauterine

Shtatzania është ektopike kur ajo zhvillohet jashtë mitrës. Shtatzania ektopike është një situatë e rrezikshme për jetën e pacientes nqs nuk diagnostikohet në kohën e duhur.

Kontracepsioni

Planifikimi familjar

Janë të shumta mënyrat e e parandalimit të një shtatzanie të padëshiruar. Marrja e informacionit të duhur lidhur me avantazhet dhe dizavantazhet e secilës është më se e nevojshme për të shmagur përdorimin pa kriteret e duhura. Në metodat e planifikimit familjar futen kontraceptivët hormonalë, kontraceptivët mekanikë (DIU, prezervativi), sterilizimi tubar dhe vazektomia. Katër të parat përdoren tek femrat ndërkohë që metoda e fundit përdoret rrallë tek meshkujt.

Sekrecionet

Vagina shërben si një pikë tranziti mes ambientit të jashtëm dhe organeve të brendshme të riprodhimit. Ekuilibri i pH të vaginës ka shumë rëndësi. Normallisht pH i vaginës është acid dhe kjo ofron mbrojtje nga infeksionet.  Një vaginë e shëndetëshme prodhon sekrecione në mënyrë që pastrojë dhe rregullojë ambientin brenda saj, në mënyrë të ngjajshme me funksionin e pështymës e cila rregullon / pastron ambientin e gojës. Këto sekrecione përbëjnë sekrecionet normale të vaginës. Cfarëdo ndikimi mbi këtë ekuilibër delikat të sekrecioneve dhe florës vaginale përbën kushte të favorshme për shfaqjen e infeksioneve..

Infeksionet

Infeksionet e organeve genitale mund të shkaktohen nga baktere (microbe), viruse apo kërpudha (myk). Ato mund shkaktojnë diskonfort në zonat intime, prurit (kruarje), djegie dhe sekrecione jo normale vaginale. Shumica e infeksiomeve genitale mund të trajtohen shpejt dhe lehtë. Konsulta mjeksore në kohën që shfaqen shenjat është shumë e rëndësishme në parandalimin e situatave të padëshiruara si sëmundje seksualisht e transmetueshme apo edhe sëmundje inflamatore pelvike.

Vaginal Discomfort

Kanceri

Kanceri është një sëmundje e qelizave të cilat janë edhe “blloqet” me të cilat ndërtohet organizmi i njeriut. Qelizat e trupit të njeriut kontrollohen në funksionin e tyre nga gjenet. Të gjithë llojet e kancerit fillojnë për shkak të problemeve (të shkaktuara nga faktorë të ndryshëm) në funksionin e këtyre gjeneve. Në shumicën e kohës trupi i njeriut mund ti korrigjojë këto defekte në mënyrë spontane. Por, në disa raste kjo nuk ndodh, duke bërë që këto qeliza të rriten në mënyrë të pandalshme. Kjo shkakton shfaqjen e tumoreve.

Menopauza

Menopauza është ajo periudhë e jetës së femrës në të cilën menstruacionet pushojnë dhe nuk vijnë më kurrë. Menopauza është pjesë e procesit natyral të plakjes tek femra. Në këtë fazë vezoret nuk prodhojnë më ovocite (vezë) dhe hormonet estrogjen dhe progesteron dhe femra e ka të pamundur shtatzaninë.

Prolapsi

I am promo text. Click edit button to change this text. Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

error: Content is protected !!