Lindja është kurorëzimi i gjithë kujdesit të treguar gjatë 9 muajve të shtatzanisë. Është momenti kur ju do të shihni fëmijën tuaj, të cilën e keni pritur me padurim. Ky moment nuk matet me sekonda, por me orë (6 deri në 12 orë). Nëse ju jeni të përgatitura dhe të informuara si duhet, këto orë nuk do t’i përjetoni me shumë ankth.

Lindje parakohe quhet lindja e fetusit përpara javës së 37^–të të shtatëzanisë, pavarësisht peshës fetale. Rreth 10 % e numrit total të lindjeve janë lindje përpara javës së 37^-të.

Epiziotomia është një teknikë kirurgjikale e cila seksionon perineumin (zona midis vaginës dhe anusit). Ajo kryhet nga mjeku gjinekolog në momentin përpara se bebi të lindë. Teknika kryhet me anë të gërshërëve të epiziotomisë. Teknika paraprihet gjithnjë nga përdorimi i anestezisë lokale me lidokainë. Në rast se është instaluar anestezia epidurale që në fillim të lindjes, anestezia lokale mund të mos jetë e nevojshme.

Operacioni cezarian është një intervent kirurgjikal i cili rekomandohet në ato raste kur lindja natyrale nuk është e mundur ose kur paraqet rrezik për shëndetin / jetën e nënës dhe / ose të fetusit.

Anestezia epidurale është metoda më e mirë për të lehtësuar dhimbjen gjatë lindjes dhe femrat e preferojnë më shumë se çdo teknikë tjetër  anestezike.

Kordoni ombilikal është një burim i pasur me dy lloje të stemave (qelizat burimore): qelizat staminale të gjakut dhe qelizat staminale e indit të kordonit ombilikal. Është provuar tashmë nga shumë studime dhe mijëra raste që qelizat e stemave të kordonit ombilikal mund të ndihmojnë në përmirësimin e shëndetit ose shpëtimin e jetës së femijes edhe shumë vite pas lindjes.